الفركة تكتل

(( الفركة تكتل))
بقلمي
يامن عفتي ورحت لبعيد.
رد سلتي مااريد العناكيد.
شرايحلي اذا عصفور بالايد.
صدكني منك كلشي مااريد ..
محتاجك تردلي الخذيته..
راسي بكلامك شيبيته.
ياسبب عمري الضيعيته.
وانه الذي مهجوم بيته.
حكي من اريدن عنك اسال
من شفت عودك كام يذبل
ومن الدمع ردني تبلل.
ماادري هيج الفركه تكتل.
انشليت شل انه بغيابك..
ويكتلني جي بارد جوابك
لجفوفي اثر ظلت ابابك.
ما ينحمل كلش عذابك.
تدري انته من تغيب عني
ياهو الذي يصبرلي ذني.
وعيوني كون يطاوعني.
بس كون انام الليل فني.
حرام كون الليل انامه.
وكلبي يرف مثل الحمامه.
حالي مثل حال اليتامه.
صارت علي يوم القيامه.
وينك تعال وشوف حالي.
صعب اليظل من غير والي
وتشوف ليش انشغل بالي.
وشنهو الذي غير احوالي.
من حكي اكلك وينك انته.
تذبح ذبح طبعا السكته
كلبي الحزن بعدك يعته.
وبعيونك انته الحال شفته.
حتى الصبر مايفيد وياي.
من كون كلبي بغيبتك واي.
ورث بعد ماينطفي بماي.
صارن هواي الجانن شواي.