مكانك يا أمي ..

مكانك يا أمي

عبد الحفيظ جابر شيبه/ مصر 

أول يوم رمضان
ومن رمضان قبل قبل الماضي
ومكانك يا أمي ع الطبلية فاضي
كان مكانك عالرؤس
وكلمتك حكم وحكمك
حكم قاضي
صحيح أحياناً يكون
حكمك قاسي لكن
الكل بيكون راضي
كانت نظرتك يا أمي
رصاصة للغلطان
وإيد بتضرب الكسلان
وإيد تطبطب على الغلبان
وشمعة بتنور طريقنا
وقت البعد عن الحق
والسير ف البغي والطغيان
ونعود لحضنك ف أول يوم رمضان
نلاقي قلبك يا أمي راضي
مكانك يا أمي ع الطبلية فاضي